طريقة طلب عرض سعر للتخليص الجمركي
بدل ما تدوّر على مخلّص جمركي بنفسك، جمركي بيوصّل طلبك لأكتر من مخلّص معتمد في ميناءك، وتستقبل عروضهم وتقارن بينها بالسعر والمدة والتقييم. لازم تكون مسجّل دخولك الأول.
خطوات الشرح
- 1
افتح صفحة الطلب
وانت مسجّل دخولك، افتح صفحة طلب عرض سعر وابدأ تكتب تفاصيل شحنتك.
- 2
دخّل تفاصيل الشحنة
اكتب بلد المنشأ، ووصف البضاعة، ونوع العملية استيراد ولا تصدير، والكمية، والقيمة التقريبية.
- 3
اختار الميناء
دوس على التالي واختار الميناء اللي هتوصل عليه شحنتك.
- 4
حدّد الأولوية
دوس على التالي وحدّد إنت مستعجل قد إيه على التخليص.
- 5
أرسل الطلب
راجع البيانات ودوس على زرار إرسال الطلب.
- 6
استقبل العروض
وكده وصل طلبك، والمخلّصين المتخصّصين في ميناءك هيتواصلوا معاك بعروضهم.
نصائح
- كل ما تكتب تفاصيل أوضح عن شحنتك، كل ما توصلك عروض أدق من المخلّصين.
- مش محتاج تكتب رقم تواصل في الطلب؛ جمركي بيستخدم بيانات حسابك.
- قارن العروض بالسعر والمدة والتقييم قبل ما تختار المخلّص المناسب ليك.